Le nostre tradizion

Noialtri Italian, a sian di campion
di veri artisti, ‘nt’l voltagabana
p’r snaturar la nostra tradizion
perfin ‘l Natal, e anch la P’fana.

Prima i Roman, e dop, con Colombo
abian portat al mond la cultura
con Galileo, che dizend ”epur è tondo!”
I rischiò la vita, e dop i fè la abiura.

‘L Re di Re, ie nat  mendicante
Natal, adè la festà d’l’umiltà!
Ma quest’idea, oramai adè distante
‘l consumism i ha amazat la sobrietà!

Pù d diezi dì, ie durat ‘l viaz
di Re Magi, vers  la capana
or, arzent, e mirra i han portat
con i camedi, tuti ‘n carovana.

P’r arcordar quest aveniment
adè nat la festa dla P’fana
cussì, ogni ninin ier content
che ai portass do dolzeti, e na codana.

Mo ‘nveza aiè st’Sant alieno
che i sta sul giaz, sù, al Polo Nord
i n ven con la granata, ne col treno
vestit d ross, i vol sul Concord.

smeten’la donch, di far bruta figura!
Tornan com na volta a la realtà
quand ‘l Natal,  ad’er na festa pura!
Compran qualcò, ma sol a chi a nì nà.


Enzo De Fazio