I Apui

Aiè stat un temp, e quest al di la storia
che a l’Avenza i notav’n i delfini
mentr, ‘l zerv i brucav la cicoria
dov mo aie  Piaza Farini.

‘Ntlè ciare acque del Carion
la trota al dev a la cechina
su le rive, tra i falaschi e i lampon
‘l lup i cazav la selvazina.

Coperti d pede, coi p’nati
i taiv’n le frasche p’r le cà
Apui Liguri, ai abian ciamati
i antenati del nono d me pà.

Un di, i vens’n i Roman
che a v’der le capane cussì cunze
i p’nsost’n chi er’n scalzacan
pronti, al sacrifiz, e le rinunzie

i volev’n le done, cussì bele e fiere
che al pascolav’n le pecre ‘nti prati
i n sapev’n che adern dle gueriere!
E cos al sapev’n far!...Con i p’nati!

Con le coraze e i elmi luzi’chenti
na Legione al partì p’r la rapina
ma i Apui, scorbutici, e ‘ngnoranti
i li fen a tochi, com la tunina.

P’r dosen’t’ani ai brusò questa batosta!
Po’ d colp al cambiò la situazion
 a l’Imperator, a i piazev la costa
e i urdinò la deportazion!

Ma chi poghi, che i ern armasi ‘n tera
tra i boschi, d Pulica e Marcias
tuti ‘nsema i zurar’n guera
fin che d’ultim roman i sirè armas.

L’imper Roman i andò ‘n ruvina
ma anch p’r l’Apuo, al cuminzò ‘l declin
ma com ‘l fer, drent a na fucina
i avev’n forgiat…L’ cararin.


Enzo De Fazio